ILLO

Hayot buncha ham tez, suv kabi oqar ekan?
Kechagi g`uncha bugun gul kabi boqar ekan.
Orzuim otashlari yuragim yoqar ekan,
Umrning yo`llarida-ey.

Yig`lagan ko`zga yana yoshini berar ekan,
Umidvor ko`zga yana doshini berar ekan,
Rizq so`rab yurganga non-oshini berar ekan,
Taqdirning qo`llarida-ey.

Yana kimga man yana yalli-yalli, yaloyiman,
Yana kimga man yana balli-balli, baloyiman?
Elimning erka qizi, illo-illo, guloyiman,
Dalli-dalli, dil ila dillar aro diloyiman.